![](https://pravdatv.org/wp-content/uploads/2024/06/IMG-20240620-WA0030-720x470.jpg)
بشتقلك
بقلم الدكتورة الشاعرة فاطمة أسعد
بشتقلك وبشعّل حنيني متل شمعة عم تدوب ع غيابك ….
بتنفسك عالرّيق و بشم عطرك ل ما بينمسك ….
قهوتي بشربها و بخيوط رغوتها بحيّك صورتك ….
وجك متل الياقوت القمر بيخجل من سحرك ….
وبتنهّد نهدة معتّقة وبحاكي طيفك ….
ضحتك متل الورد الشهد اتقطر ع مبسمك ….
وراق الربيع الملونة فتّحت بعيونك ….
باخد سنين من ربيع عمري وبنثرها فوق سنينك ….
بقطفلك نجوم السما وطرزها عقد فضة تلبسو بعنقك ….
والمسافات متل غيمة بتمرق ع سطور بعمري وعمرك ….
ومنكفّي مشوارنا سوى وحنيّة كتفي تسند كتفك ….